BUTUAN CITY – Wala damha sa usa ka mekaniko sa Brazil nga si Reinaldo nga maluwas siya sa iyang bag-ong palit nga cellphone human gi-atake sa duha ka mga dagkong iro, dihang kini mibuto samtang anaa sa bulsa sa iyang pantalon.
Aminado siyang delikado kung mubuto ang cellphone ilabina kung anaa sa imong posisyon apan alang kaniya, dakong tabang kini sa pagluwas sa iyang kinabuhi.
Sigon sa lalaking gikan sa Cascavel, sa Paraná state, kalit lang siyang gi-atake sa duha ka dagkong iro dihang padulong siya sa iyang trabaho kondiin ang usa sa mga niini, mi-atake padulong sa iyang li-og apan iya kining nasumbagan rason nga didto kini padulong sa iyang paa .
Na-ingkitan sa iro ang iyang cellphone nga anaa sa iyang bulsa kansa 20 ka adlaw pa niyang napalit kondiin didto na kini mibuto hinungdan sa paglumba og dagan sa mga iro samtang nasunog usab ang parte sa pantalon nga gibutangan niya sa maong butang.
Bisan sa delikadong iyang nasinatian gikan sa maong mga iro, wala na’y plano si Reinaldo nga kasuhan ang tag-iya niini human nga nangayo kini og pasaylo ug misaad nga abagahon ang galastuhan alang sa iyang pagpatambal ug ilisan usab ang iyang cellphone.
