BUTUAN CITY – Gibarugan ni Atty. Sonny Matula, presidente sa Federation of Free Workers nga dili paglapas sa soberenya sa Pilipinas ang proceedings nga gihimo sa International Criminal Court kang Kanhe Pangulong Rodrigo Duterte tungod kay miyembro man ang Pilipinas sa International Community.
Sigon ni Atty. Matula nga nakalatid sa batakang balaod sa Pilipinas nga gi-ila nato ang International Principle of law rasong dili kita pwede mag-isolate sa ubang mga nasud.
Samtang sa Republic Act 9851 o International Humanitarian Law, gi-obliga ang atong nasud nga dapat papanubagon ang nakahimo og mga kremin diin kung dunay mga opisyal sa gobyerno nga nakahimo og war crimes o crimes against humanity dapat kini nga taralon.
Kung dunay international tribunal nga nag-imbestiga sa nasangpit nga mga kaso, pwede nga ang giakusahan esurender o kaha e-extradite sa Pilipinas.
Kini bisan paman nga nag-withdraw na sa pagka-miyembro ang Pilipinas sa ICC tungod kay ang mga kasong gi-akusahan nabuhat man niadtong panahon nga miyembro pa kini.
Samtang hugot nga ginegar usab ni Atty. Matula nga political persecution ang nahitabo karun ni Kanhe Pangulong Rodrigo Duterte sa International Criminal Court.
Sigon pa niini nga obligasyon sa Pilipinas nga papanubagon ang mga tawong mihimo og sistematikong pagpatay sa mga tawo.
