BUTUAN CITY – Segurado na nga makakuha og 5.3 milyones pesos si Alex Eala human maka-abot sa Quarterfinals sa Dubai Open
Kini tungod kay muabot sa 98,000 Dollars ang segurado na nga makuhang premyo ni Eala.
Nasayrang gi-sweep ni Eala ang away kang Sorana Cirstea sa score nga 7-5, 6-4.
Gitapos sa 20-anyos nga si Eala ang dula batuk kang World number 32 Romanian tennis player sulod sa usa ka oras ug 38 minuto.
Sa unang round gikuptan sa Romanian tennis player ang labaw 4-5 apan wala nawad-an og paglaum si Eala hangtud nga nakontrol ang dula.
Pagsulod sa ikaduhang set dala pa gihapon ni Eala ang momentum ug hingpit nga gipildi si Cirstea.
Gipasalamatan ni Eala ang mga fans nga nagtan-aw sa dula diin kini ang usa sa mga nagdugang sa iyang kusog.
Sunod nga maka-agbat niini si World number 4 nga si Coco Gauff para sa quarterfinals.
Nasayran nga ang mo-kampiyon sa Dubai Open, makadawat sa premyo nga 665,000 dollars o bugti sa 38.3 milyones pesos.
