BUTUAN CITY – Gipadayag ni Senador Panfilo ‘Ping’ Lacson nga angayang hatagan og kahigayunan sila Senador Ronald ‘Bato’ dela Rosa ug Christopher Lawrence ‘Bong’ Go nga magamit ang tanang legal remedies subay na sa posibleng mga kasong ilang atubangon sa International Criminal Court human sila ginganlan sa mga co-perpetrators sa mga kasong gi-atubang usab ni kanhi Pangulong Rodrigo Duterte.
Sigon sa senador, angayang respetuhon ang mga local courts sa bisan unsa mang lakang nga mahimong himuon sa international tribunal.
Dugang sa senador, kung duna’y ipagawas nga arrest warrant ang ICC batuk sa duha niya ka mga ka-ubanan, kinahanglang iduol kini sa mga local courts aron maoy magpagawas usab og arrest warrant adiser kini mapatuman.
Ila matud pang hisgutan sa Senado ang pipila ka mga lakang lakip ang tabang nga mahimo nilang ihatag sa ilang ka-ubanang duha ka senador.
Mahimo matud pang magpatawag og caucus si Senate President Vicente ‘Tito’ Sotto III aron mahisgutan ang himuon nilang mga lakang taliwa nga sayo pa kaayo ilabina nga wala pa magpagawas ang ICC ug bill of particulars nga magdetalye sa mga posibleng kasong ilang atubangon ingon man mahimong ipahamtang nga silot.
