BUTUAN CITY – Dagko ang ngisi sa mga flower vendors ning siyudad sa Butuan gumikan sa kahimalitan sa ilang mga baligya nga nagkada-iyang klase sa buwak gikan sa rosas, sun flower, Chrysanthemum, carnation ug uban pa uban sa nagkada-iyang regalo.
Sigon sa flower vendor sa may J Flores Avenue, nagsugod pa kagahapon ang pagpamalit sa mga tawo rason nga wala na sila magsira pa tungod kay padayon mang gidagsa ang ilang mga tinda apil na ang kasikbit nilang mga tindahan.
Sa ilang pwesto, ang usa ka sun flower gibaligya nila og tag-500 pisos ang usa samtang tag-200 usab ang matag-usa buwak nga carnation apan kung kini himuong bouquet, mahimo na kining 700-pisos.
Duna usab sila’y tag-kapin sa usa ka libo ka pisos ug uban pang presyo depende sa kostumer.
Gipadayag sa usa ka ginang nga ang pagka-depress sa usa ka tawo sa iyang karelasyon kaagari mugna sa pagluib kon pagka-cheater sa partner.
Sa eksklusibong pakighinabi ning sibyahan ngadto sa usa ka ginang nga nasapon nga anaa sa flower shop, alang kaniya magdepende matud pa sa buwak nga gihatag kaniya ang gugma nga iya usab nga ipabati ngadto sa iyang bana. Kung bongga matud pa ang buwak, bongga usab ang iyang gugma.
Dungan niini iyang gibutyag sa panahon karon, nagkadaghan ang mga cheaters rason nga migawas sa mga surveys nga daghan ang nagsulti nga dili sila happy sa ilang lovelife.
