BUTUAN CITY – *Natapos na sa Washington, D.C. ang “Walk for Peace” nga gi-organisa sa usa ka grupo sa mga Buddhist monks human sila naglakaw og kapin sa 2,300 miles (mga 3,700 kilometros) gikan sa Texas padulong sa kabisera sa Estados Unidos sa sulod sa 108 ka adlaw aron ipasibaw ang mensahe sa kalinaw, gugma, ug kalooy.
Sa ilang pagbaklay, gisagubang nila ang lain-laing mga hagit sama sa grabeng katugnaw, bagyo, yelo ug mga kadaot, apil na ang usa ka aksidente diin ang usa ka monghe nawad-an og bitiis, apan ilang gipadayon hangtod nahuman ang ilang espirituwal nga lakang.
Sa pag-abot nila sa Washington, dakong suporta ang ilang nadawat gikan sa mga tawo, lakip na ang interfaith service sa Washington National Cathedral, ug mga grupo sa Lincoln Memorial sa Capitol Hill diin gipa-abot nila ang ilang mensahe sa kalinaw ug pagkahiusa sa komunidad.
Ang ilang tumong mao ang pagdasig sa mga tawo nga mag-praktis og kalinaw sulod sa kasingkasing ug ipakita nga ang tinuod nga kalinaw nga magsugod sa tagsa-tagsa ka tawo ug ipalipang sa komunidad ug kalibutan.
