-- ADVERTISEMENT --
BUTUAN CITY – Nabalaka ang United Nations (UN) sa plano sa Israel nga mas palig-onon ang ilang kontrol sa West Bank.
Sigon ni UN Secretary-General Antonio Guterres, delikado ug naghatag og kabalaka ang maong lakang sa gobyerno sa Israel tungod kay makadaut kini sa two-state solution, nga plano nga makabaton og kaugalingong nasod ang Israel ug Palestine.
Gipadayag sa UN nga walay legal nga basehan ang mga settlement sa Israel sa West Bank, apil na ang East Jerusalem, ug supak kini sa international law.
Nasayrang dugay nang tinguha sa Israel nga angkonon ang West Bank, apan kinontra kini sa Palestine.
