BUTUAN CITY – Aminado si Derek Ramsey nga dili lalim ang iyang mga gi-agian sukad sa ilang pagbulag ni Ellen Adarna ning miaging tuig human gikasal niadtong 2021 kondiin nakabaton sila og usa ka anak nga si Liana.
Dako kaayo ang pasalamat sa aktor ngadto sa iyang pamilya ug mga higala nga kanunayng misuporta kaniya gumikan kay tinuod nga nawala siya sa iyang kaugalingon human nga dali ra kaayo makahimo og sayop nga mga desisyon.
Alang sa aktor, usa ra kini ka dako nga pagsulay sa iyang kinabuhi nga maoy nahimong dalan aron mas napaduol pa siya sa Ginoo.
Sumala ni Derek, mas gipili niya nga magpabiling hilom bahin sa unsa man ang ilang mga problema ni Ellen kaniadto tungod sa respeto, ilabina nga wala siya’y gana nga isulti pa ang kabahin sa maong sitwasyon.
