BUTUAN CITY – Nakauli na sa ilang panimalay sa Minneapolis ang 5-anyos nga bata nga si Liam Conejo Ramos ug ang iyang amahan nga si Adrian Alexander Conejo Arias human sila gidetine sa Immigration and Customs Enforcement (ICE) sa Texas.
Sumala ni Texas Congressman Joaquin Castro, gipagawas na ang mag-amahan gikan sa Dilley detention center ug naka-abot na sila sa Minnesotao human gihatagan og emergency order sa US District Judge Fred Biery ang pamilya.
Sa iyang desisyon, gisaway ni Biery ang pagdetine sa maong bata, nga bunga sa paturagas nga pag-abuso sa gahom dayong panawagan og mas tarong ug mas tawhanong proseso sa immigration.
Depensa sa ICE, dili gyud nila target ang mag-amahan tungodkay na-timinglang matud pa nga gibiyaan sa amahan ang iyang anak.
Gipamugos usab sa abogado sa pamilya nga gisunod sa mag-amahan ang hustong asylum process human nga legal matud pa silang misulod sa US niadtong 2024, migamit sa CBP One app, mitambong sa mga appointment, ug boluntaryong mipakita sa Customs and Border Protection kansa sukwahi sa pamahayag sa Department of Homeland Security (DHS) nga ilegal matud pa silang misulod sa US.
Sa laing post sa ICE sa social media, ilang gilimod nga na-detine nila ang bata samtang gibarugan usab sa Department of Homeland Security ug ICE nga misibat ang amahan kansa gilimod usab sa pamilya.
Samtang, sa laing social media post, gipangumusta ug gibati ni Minnesota Congresswoman Ilhan Omar ang mag-ama.
