BUTUAN CITY – Wala’y lipod-lipod nga gi-angkon ni Trinidad and Tobago–born rapper nga si Nicki Minaj atubangan sa publiko nga siya ang “number one fan” ni United States President Donald Trump.
Gipadayag kini sa singer atol sa programa ni Trump sa Washington DC kondiin gipasaka siya sa entablado ug gipasulti.
Sa iyang pagsaka sa stage, iyang gipakita ang iyang Trump “gold card” visa nga naghanyag sa mga aplikante og residency aron mahimong citizens sa Amerika.
Nasayrang kaniadto, usa siya sa mga kritiko ni Trump tungod sa higpit nga immigration policies ug dihang namulong na siya sa entablado, gipadayag na niini ang iyang pagsuporta sa US presidente bisan magkina-unsa matud pa ug wala na tagda ang mga batikos sa iyang mga fans batok kaniya.
