BUTUAN CITY- Minghimo og multi-day air exercise ang pwersang militar sa Estados Unidos sa Middle East samtang gipakusgan ang presensya niini sa rehiyon tungod sa minggrabe nga tensyon sa Iran.
Sumala sa US Central Command, nga tumong sa drill nga ipakita nga kayang mohimo og combat sorties ang mga piloto nga luwas ug husto, ug makigkooperar nga malinawon sa ka-alyado Ming-abot sa rehiyon ang USS Abraham Lincoln carrier strike group, dungan sa paghulga ni President Donald Trump kalabot sa “armada” nga padulong sa Iran ug posible nga action militar batok sa rehimen, kinsa mipatuman og bayolente nga crackdown sa mga anti-government protesters.
Hugot usab ang retorika sa Iran, kansa nagpasidaan nga ang bisan unsang pag-atake mag-atubang og kusog nga tubag nga mahimong makadaot sa tibuok rehiyon.
Sumala sa Central Command (CENTCOM), nga ang mga drills ipahigayon uban ang pagtugot sa mga host countries ug sa koordinasyon sa mga civil ug military aviation authorities, self security, tukmang operasyon ug respeto sa soberanya. Pipila ka-kaalyado nga nasud sama sa Saudi Arabia ug United Arab Emirates mipasidaan nga dili nila tugotan ang paggamit sa ilang airspace alang sa binsa unsang action batok sa Iran.
