Bea Borres, emosyonal human nakagawas na sa NICU ang iyang baby human ang 44 ka adlaw

BUTUAN CITY- Emosyonal nga gipaambit sa aktres nga si Bea Borres nga human sa 44 ka adlaw nga anaa sa Neonatal Intensive Care Unit kon NICU ang iyang anak nga babaye nga si Victoria Hope o gitawag nga Baby Pea, finally maka-uli na kini sa ilang balay.

Sa iyang social media post nga adunay caption nga mas lig-on pa ang anak kon itandi kaniya gumikan nakigbisog kini sa NICU sulod sa 44 ka adlaw.

Gani, wala niini mapugngan pa nga makahilak tungod sa kalipay nga iyang nabati. Dungan usab kini sa iyang pagbutyag nga nanganak na kini sa miagi pang tuig.

Mipaabot usab og pahalipay ang mga kaubanan niini sa industriya ug gidayeg sa mga fans ug netizens ang kaisog ni Bea hilabi na nga dayag kini nga mipaambit sa publiko nga usa siya ka single mom.