BUTUAN CITY- Wala pay na-detect nga kaso sa Nipah virus sa Pilipinas bisan pa adunay mga nasud sama sa India ug Bangladesh ang nakatala og outbreak.
Sumala ni Dr. Rontgene Solante, usa ka infectious disease expert, nga kasagari naggikan ang virus sa mga paniki o fruit bat nga mipakaylap niini kansa posible nga makaon sa tao.
Gawas sa animal-to-human transmission, aduna usab natala nga human-to-human transmission sa Nipah virus. Pagklaro ni Solante, nga kasagari ig-on sa virus ang utok ug ba-ga sa tao hinungdan nga taas ang mortality rate niini nga anaa tali sa 40% hangtud 75%. Wala usab tambal o bakuna batik sa Nipah virus mao nga supportive care lang ang ipanghatag sa mga pasyente.
Tungod niini, nagpabiling alerto ang mga health authorities sa nasud aron malikayan ang posibleng pagsulod sa virus. Gipahimangnoan usab ang publiko nga mahimong magbinantayon sa pagkaon ug likayan ang mga posibleng kontaminadong produkto.
Sumala ni Department of Health kon DOH spokesperson Assistant Secretary Albert Domingo, nga kani-adto adunay natalang insidente naidtong 2014 sa Sultan Kudarat kung asa 17 ka kaso ang nataho nga adunay kalabotan sa pagkaon og karne sa kabayo ug pakig-interact sa mgatao nga adunay sakit.
Sa kasamtangan nangandam na ang DOH nga mohimo og testing ug surveillance ugaling adunay posible nga kaso.
