BUTUAN CITY – Gimanduan sa usa ka federal judge sa Estados Unidos ang United States Department of Homeland Security kon DHS nga tipigan ang mga ebidensya nga may kalabotan sa pagpusil-patay kang Alex Pretti.
Gisanong ni Judge Eric Tostrud ang temporary restraining order request sa Minnesota Bureau of Criminal Apprehension ug sa Hennepin County Attorney, nga nagmando sa DHS nga dili gub-on o kaha usbon ang bisan unsang ebidensya.
Ang kaso gisang-at sa mga otoridad sa estado sa Minnesota human sila gidid-an sa DHS nga makasulod sila sa lugar diin natigayon ang pagpamusil.
Sa usa ka press conference, gipadayag ni Minnesota Attorney General Keith Ellison nga kini ang unang higayon nga mipasaka og kaso ang estado ngadto sa korte dayong tawag sa maong lakang nga talagsaon nga makapahadlok sa tanan nga nagtuo sa patas nga hustisya ubos sa balaod.
Apan gipamugos ni DHS Secretary Kristi Noem nga ang iyang mga opisyales nagsunod lamang sa standard protocol o normal nga paagi sa maong insidente.
