BUTUAN CITY – Gihukman og tibuok kinabuhing pagkabilanggo ang lalaki nga mipatay kang late Japanese Prime Minister Shinzo Abe, tulo ka tuig ug tunga human niya kini gipusil-patay atol sa usa ka rally sa siyudad sa Nara niadtong 2022.
Si Tetsuya Yamagami mismo mi-angkon sa sala sa pagsugod sa husay sa kaso niadtong miaging tuig, apan nagkabahin-bahin ang opinyon sa publiko sa Japan kon unsa nga silot ang angay kaniya.
Daghan ang nagtan-aw sa 45-anyos nga si Yamagami nga walay kalooy samtang aduna usa’y uban nga naluoy kaniya tungod sa iyang lisod nga pagdako sa kinabuhi.
Matod sa mga piskal, angay silotan si Yamagami og tibuok kinabuhi nga pagkapriso tungod sa iyang grabeng gibuhat.
Madumdumang nakurat ang nasud sa pagpatay kang Abe, ilabina kay halos wala gayo’y krimen nga may kalabotan sa pusil sa maong nasud.
Nasayrang ang labing dako nga debosyon sa iyang inahan sa Unification Church maoy hinungdan sa pagkabangkarote sa ilang pamilya, ug nagtanom og kasuko si Yamagami kang Abe human niya masayran ang kalambigitan sa kanhi lider sa kontrobersyal nga simbahan.
Hapit 700 ka tawo ang milinya gawas sa Nara District Court kaganina aron motambong sa pagpakanaog sa hukom.
