BUTUAN CITY – Gimando sa Senate Blue Ribbon Committee ang pag-isyu og show-cause order batuk nila kanhi Ako Bicol Partylist Rep. Zaldy Co ug witness Orly Guteza tungod sa ilang kapakyas pagtambong sa pagdungog ning adlawa subay sa anumalusong flood control projects.
Sigon ni Committee chair ug Senate President Pro Tempore Panfilo Lacson, posibleng mag-isyu ang upper chamber og arrest warrants kung mapakyas sila paghatag og satisfactory explanation sa ilang wala pagtunga sa pagdungog, base na sa patakaran sa Korte Suprema.
Kung dili matud pa sila makontento sa tubag sa duha ka imbitadong resource person, i-cite for contempt sila ug dinhi na sila mag-isyu og arrest warrants.
Madumdumang nalambigit si Co sa anumalusong mga infrastructure projects, ilabina sa mga flood control works sa Bulacan, human mitestigo ang kanhi district ug assistant engineers nga nalambigit siya sa budget insertions nga mi-abot ngadto sa dili mu-ubos P35 billion gikan niadtong tuig 2022 hangtud 2025.
Samtang si Guteza, gipa-ila ila sa panel isip kanhi security consultant ni Co.
Siya matud pa ang bugtong saksi nga naglambigit kang kanhi House Speaker Martin Romualdez sa anumalusong flood control scandal, dayong akusa sa magbabalaud nga nakadawat og kickbacks gikan sa mga government projects.
