BUTUAN CITY- Gikumpirma sa Bureau of Immigration kon BI nga nakabalik na sa Pilipinas si kanhi Department of Public Works an Highways (DPWH) Secretary Manuel Bonoan gikan sa Taipei sa Taiwan.
Sa usa ka pamahyag, sigon sa BI nga ming-abot si Bonoan sa Ninoy Aquino International Airport (NAIA) niadtong Domingo, Enero 18sakay sa usa ka China Airlines gikan sa maong nasud.
Gawas niini, wala matud pay kauban ang kanhi Secretary dihang mingbalik sa Pilipinas ug gilayon nga gipahibalo ni Immigration Commissioner Joel Anthony Viado sa Department of Justice (DOJ) ang pagbalik ni Bonoan alang usab sa mga nagpadayon nga lakang sa pagsuta sa mga isyu kalabot sa flood-control anomalies.
Kahinumdumang gibutang sa BI Lookout Bulletin Order si Bonoan subay na usab sa mando sa DOJ tungod sa maong isyu nga ming tuyok lang sa mga anomalya.
Samtang, glaoman usab karun sa Independent Commission on Infrastructure (ICI) nga ang pagbalik ni Bonoan mas makatabang pa sa ilang mga imbestigasyon kung asa mahinumduman usab nga girekomenda sa komisyon ang pagpasaka og mga kasong kriminal ug administratibo batok sa kanhi Secretary kalabot sa P95 million flood control projects sa Bocaue, Bulacan.
