BUTUAN CITY- Gibutyag ni Jeffrey “Ka Eric” Celiz, Secretary General sa Bangon Sambayanan, nga ang House Bill No. 1841 ni Congresswoman Leila de Lima kansa nailang Anti‑Red Tagging Bill, mahimong magamit sa Communist Party of the Philippines New People’s Army National Democratic Front kon CPP‑NPA‑NDF aron maprotektahan ang ilang taktika sa pagpanglimbong.
Sumala pa niini, ang red tagging usa ka paagi sa mga rebeldeng grupo aron dili matangtang ang ilang maskara ug magpakita nga sila usa aktibista, human rights defenders, ug uban pang organisasyon kansa nagserbisyo sa propaganda.
Sigon ni Celiz, kung ma-aprobahan ang maong balaodnon, posibleng mahimong krimen ang pag‑ila ug pag‑expose sa mga organisasyon kansa dalan o recruitment ground sa NPA, ug kini makapaluya sa kampanya sa gobyerno batok sa insurgency.
Gani, ang maong balaod mahimong bentaha sa CPP‑NPA‑NDF tungod kay maparalisa man ang reinforcement ug mahuyang ang information campaign sa estado.
Gihimong pananglitan ni Celiz ang insidente sa Mindoro diin namatay ang Kabataan Party Secretary General nga adunay armas.
Sigon ni Celiz, ang gigikanan sa maong mga kabataan mao gihapon ang mga organisasyon nga giprotektahan ni Congresswoman Leila de Lima pinaagi sa iyang sugy.
Gani matud pa niini, nga, kung mapasar ang balaod, mas mahimong protektado ug mas lig‑on ang gahom sa CPP‑NPA‑NDF sa pag‑recruit og kabataan gikan sa lain‑laing sektor, ug kini usa ka seryosong hulga sa seguridad sa nasud.
