BUTUAN CITY- Nahimo sa unang higayon karung season sa top NBA team nga Oklahoma City Thunder nga pildihon ang ka-away nga San Antonio Spurs.
Kahinumduman nga nakuha sa Spurs ang kadaogan sa 1st three round batok saOKC, apan sa ika upat nga pagpakita nila sa defending champion mingdaog ang Thunder sa skor nga 119-98.
Si NBA Finals MVP Shai Gilgeous-Alexander ang nangulo sa kadagon human makatala og 11 field goals. Sa kinatibu-an, ming-abot kini sa 34 points, lakip ang 11 free throws.
Ming-amot usab og 20 points ug 2 ka steal ang ika-2 nga skorer sa kadaogan nga si Jalen Williams.
Sa kampo sa Spurs, nalimitahan lang sa 17 points ang bigman nga si Victor Wembanyama ug wala napakita ang iyang kasagaring two-way play.
Na-usik usa ang impresibong performance sa guard nga si Stephon Castle nga mingkumada og 20 points, 7 ka rebounds, 8 ka assists, ug 1 ka steal.
Ang duha ka magkaribal nga grupo ang nag-una karun sa Western Conference, kung asa gikuptan sa Thunder ang 34 nga kadaogan samtang ming-abot na sa 27 wins ang Spurs.
