BUTUAN CITY – Gikumpirma ni National Bureau of Investigation kon NBI spokesperson Palmer Mallari, nga ang bag-ong dashcam footage adiser ang kamatayon ni anhing Department of Public Works and Highways Undersecretary Ma. Catalina Cabral nga nitumaw sa social media, consistent sa pamahayag sa driver niining si Ricardo Hernandez.
Makita sa maong video nga nag-ingkod na si Cabral ubos na sa tunga-tunga sa concrete safety barriers ug walay kauban nga bisan kinsa.
Sumala sa opisyal, mao na kini ang katapusang gutlo bago siya nakit-an nga wala nay kinabuhi sa Kennon Road sa lungsod sa Tuba, Benguet province.
Dugang pa sa opisyal, importante ang bag-ong mitumaw nga dashcam video tungod kay mas naklaro na ang tinuod nga nahitabo sa katapusang oras nga buhi si Cabral kansa consistent usab sa pamahayag nga una nang gibuhian ni Interior and Local Government Secretary Jonvic Remulla nga ang injuries nga na-angkon ni Cabral, mugna sa hinay-hinay unta niyang pagpada-us-os gikan sa iyang nahimutangan.
Samtang nagtakdo usab ang nakuhang fingerprints sa PNP gikan sa nakuhang lawas sa Kennon Road ngadto sa hawid nga fingerprints sa NBI gikan sa ilang narekober nga mga butang lakip na sa mga tambal nga nakita sa hotel nga gisak-an niini.
