BUTUAN CITY – Gi-aprubahan sa House of Representatives sa pangunguna ni Speaker Faustino “Bojie” Dy III, ang House Bill 87 o mas nailang “Roll-Over Internet Data Act” sa ikatulo ug katapusang pagbasa.
Tumong niini ang pagseguro nga makuha sa mga prepaid ug postpaid users ang tibuok kantidad sa ilang data subscription pinaagi sa roll-over scheme, diin ang mga data nga wala magamit sa usa ka bulan mahimong madala sa sunod nga bulan ug mahimong ma-convert isip rebate sa katapusan sa tuig.
Gipalig-on usab ang House Bill 5939 nga nagtangtang sa obligadong spiral progression approach sa K–12 curriculum.
Kini magahatag og kagawasan sa Department of Education nga magpili sa mas angay ug epektibong pamaagi aron masiguro ang mastery sa mga estudyante sa matag level.
Apil usab nga gu-aprubahan ang House Bill 5663, nga magre-name sa University of Science and Technology of Southern Philippines ngadto sa University of Science and Technology of the Philippines.
