FPRRD, dili personal nga mutambong sa pagdesisyon sa iyang interim release appeal karong adlawa sa ICC

BUTUAN CITY – Nagdesisyon si kanhi Pangulong Rodrigo Duterte nga dili personal nga mutambong sa pagbasa sa Appeals Chamber alang sa pagdesisyon unya kabahin sa iyang apela alang sa interim release sa International Criminal Court (ICC) nga himuon unyang alas-5:30 sa hapon – oras sa Pilipinas.

Gipakita sa iyang abogado nga si Nicholas Kaufman ang waiver nga gipirmahan sa kanhi pangulo aron gamiton ang iyang katungod nga dili mutambong personal sa pagbasa sa desisyon sa ilang apela rason nga ang iyang abogado nga si Kaufman na ang murepresenta kaniya.

Mahinumdumang nag-atubang og kasong crime against humanity ang 80-anyos nga kanhi pangulo tungod sa iyang kampanya batok sa iligal nga droga sa panahon nga siya pa ang naglingkod sa pwesto.