BUTUAN CITY – Gihaya na sa basketball court sa Purok 17, Barangay Los Angeles, ning siyudad sa Butuan ang 9-anyos nga si Maria Alleyah Jarezah Te, aron mahatagan og higayon ang tanan, nga makakita kaniya human siya napalgan ning mi-aging adlaw sa sapa nga bahin sa Purok 5, nga naglutaw na ug wala na’y kinabuhi human na-missing.
Gibutyag ni Barangay Kagawad Oscar Camarines, plano sa ginikanan nga ihaya sa ilang balay ang biktima, apan tungod sa kahuot ug daghang bisita, napugos sila nga ipahimutang kini sa mismong basketball court diin katapusang nakit-an ang bata.
Padayon pa ang imbestigasyon sa kapulisan sa crime scene sa pamasin nga makakita og ebidensya nga makatabang sa pagtumbok sa suspek.
Sa pagkakaron, adunay na sila’y gikonsiderang tulo hangtud sa upat ka mga persons of interest nga posibleng nalambigit sa maong insidente, aron mahatagan hustisya ang pagkamatay sa bata.
