BUTUAN CITY – Gisaway ni Davao City 1st District Rep Paolo ‘Pulong’ Duterte ang pamahayag ni Department of Interior and Local Government kon DILG Secretary Junvic Remulla nga nagbahad sa mga tawong nanawagan alang sa pagpa-resign kang Pangulong Bongbong Marcos, nga ikonsidera nila kining inciting to sedition.
Sigon sa magbabalaud, wala na’y kala-inan sa martial law ang gipagawas nga ideya ni Remulla tungod kay nakalatid sa balaud nga dili ikonsiderang kremin ang gawasnong pagpadayag sa panglantaw sa katawhan.
Pangutana sa kongresista kung diwa ba kini sa demokrasya o kaha emotional support group sa mga daling ma-ulit nga mga opisyal sa gobyerno.
Mitumaw ang pamahayag ni Remulla tungod sa panawagan sa pipila ka mga grupo nga mukanaog na sa katungdanan ang pangulo tungod sa kakulang sa abilidad sa pagdumala sa nasud.
Taliwa niini, gipadayag sa Malakanyang nga tibuok pa gihapon ang suporta sa military ug kapulisan ngadto sa administrasyong Marcos
