BUTUAN CITY – Gikumpara sa Amerika isip teroristang organisasyon ang Cartel de los Soles, usa ka grupo nga gituohan sa US nga gipangunahan ni Venezuelan President Nicolas Maduro.
Sigon ni US Secretary of State Marco Rubio, ikonsidera ang grupo isip Foreign Terrorist Organisation (FTO) sugod sa Nobyembre 24.
Nagpasabot kini nga epektibong iapil usab si Venezuelan president isip terorista tungod kay siya matud pa ang lider sa grupo, apan kusganong gipanghimakak ni Maduro ang maong akusasyon.
Ang pagtudlo sa grupo isip terorista mao ang pinakabag-ong paningkamot sa administrasyon ni US President Donald Trump aron mapugngan ang drug trafficking ug mapugos si Maduro, taliwala sa plano sa Amerika nga maglusad og military action sulod sa Venezuela.
Maghatag og dalan ang pagtudlo sa grupo isip Foreign Terrorist Organization aron makapahigayon ang US government og mas agresibong crackdown batok sa grupo ug sa giingong mga kaalyado niini.
