-- ADVERTISEMENT --
BUTUAN CITY – Gipahamtangan og silot nga kamatayon si kanhi Bangladeshi Prime Minister Sheikh Hasina human mapamatud-ang guilty sa crimes against humanity.
Nakit-an sa special tribunal nga guilty kini human gimando ang duguong pagpahunong sa protesta. Base sa estimate sa United Nations, mi-abot sa 1,400 ka mga protesters ang namatay human gipamusil sa mga awtoridad. Gitawag usab ni Hasina nga ‘bias ug politically motivated’ ang maong desisyon sa korte.
Sukad napahawa si Hasina, mi-exile kini sa India. Gilauman usab nga mapugos ang India nga ma-extradite si Hasina human gipagawas ang hukom.
