BUTUAN CITY – Padayon pa ang imbestigasyon sa kapulisan sa Jasaan, Misamis Oriental aron madakpan ang responsable sa pagluba-patay sa anak sa usa retiradong huwis nga niadto pang Biernes na-missing.
Patay nang nakaplagan sulod sa iyang Hyundai Starex sa Purok Kabulawan, Barangay Solana ang 54-anyos nga biktimang si Dawney Reyes Valdevilla Jr, residente sa Gingoog City, nga duna’y mga samad-dinunggaban sa lawas hinungdan sa iyang kamatayon.
ang anak sa usa ka Retired judge ug kasamtangang Administrative Officer sa Gingoog City Health Office solod mismo sa iyang sakyanan nga Hyundai Starex., Jasaan, Misamis Oriental adlaw nga Sabado
Nasayrang human gitaho sa pamilya sa biktima ang pagka-missing niini, gilusad gilayon ang search operation hangtud nga napalgan ang sakyanan sa biktima nga nakaparada dili sa national highway ug dihang gi-ablihan na, nakita kining nagbuy-od na sa sulod.
Narekober usab sa kapulisan ang upat ka botelya sa beer sa front seat sa maong sakyanan ug nasuta nga gikan kini sa lungsod sa Claveria ug padulong unta sa lungsod sa Villanueva apan wala na maka-abot pa.
Gitu-uhang tulis ang motibo sa kremin tungod kay wala naman ang iyang pitaka nga duna’y sulod nga salaping cash, iPhone nga Cellphone ug mga personal nga gamit samtang padayon pang gipangita sa kapulisan ang mga responsable sa kremin.
