BUTUAN CITY – Posible pang musaka ang 16 ka mga tawong namatay human gilamoy sa dakong kalayo ang usa ka garment factory sa Bangladesh, kondiin tungod sa pagkapagod, dili na ma-ilhan ang mga biktima.
Nagtapok sa gawas nga bahin sa upat ka andanang paktorya sa Mirpur area sa capital Dhaka ang mga kabanay sa mga biktima apil na kadtong nga missing pa.
Napalong ang kalayo paglabay sa tulo ka oras apan padayon nga ang kasikbit nga chemical warehouse, padayon pang nagkayo.
Nasayrang komon na sa maong nasud ang dagkong sunog tungod sa kaluag sa ilang safety standards ug sub-standard nga mga imprastraktura kondiin gatusan na ang namatay sa susamang insidente ning nakalabay’ng mga tuig.
Padayon pang gisuta sa mga fire service officials kung asa sa duha ka dakbalay naggikan ang mi-ulbong kalayo.
Gika-ingonag ang chemical warehouse, maoy gipunduhan sa bleaching powder, plastic ug hydrogen peroxide, nga parehong makapakusog sa kalayo ilabina nga ang plastic, mupagawas man og makahilong toxic fumes kung masunog.
Gipangita pa sa mga police ug military officers ang tag-iya sa maong paktorya ug sa warehouse, apil na ang pagsuta kung legal bang nag-operate sa maong warehouse.
