BUTUAN CITY – Gimanduan sa palasyo sa Malakanyang ang Department of the Interior and Local Government (DILG), Department of Justice (DOJ), ug ang Philippine National Police kon PNP nga imbestigahan ang pamahayag ni kanhi Ilocos Sur Governor Luis “Chavit” Singson nga dili protector sa pangulo sa Pilipinas ang Philippine National Police (PNP) ug ang Armed Forces of the Philippines (AFP) kundili, tigpanalipod sa katawhang Pilipino.
Nasayrang ang pamahayag ni Chavit maoy nagbukas sa mas lapad nga diskusyon kalabot sa papel sa security forces sa demokrasya kon kagawasan sa nasud ug gipasusi na sa Malakanyang kung wala ba kini naklapas nga balaud.
Madumdumang gihimo ni Singson ang pamahayag human siya gi-boo-han sa mga ralyista atol sa protesta batuk sa kurapsyon sa Manila.
Gipadayag usab niini nga dapat usa lang ang tumong sa rali — ang pagpalagpot sa pangulo, nga nagtumbok kang si Pangulong Ferdinand ‘Bongbong’ Marcos Jr.
Tungod niini, gibutyag ni Palace Press Officer Claire Castro nga nagbahad ang Malacañang nga mahimong kasuhan si Singson og inciting to sedition.
