BUTUAN CITY – Gi-intercept sa Israeli navy ang mga sakyanang pandagat nga duna’y kargang mga ayuda kansa padulong ngadto sa Gaza dayong detine sa mga sakay niining aktibista, apil na si Swedish climate campaigner Greta Thunberg.
Sigon sa Israel’s Foreign Ministry, pipila sa maong mga sakyanang pandagat nga apil sa Global Sumud Flotilla kon GSF, luwas nga napahunong ug ang mga sakay niini, gibalhin matud pa ngadto sa usa ka pantalan sa Israel.
Gimanduan matud pa sa Israeli navy ang maong mga sakyanang pandagat nga mag-usab sa ilang ruta samtang nagkaduol na sa usa ka aktibong combat zone.
Apan gihulagway sa GSF ang pag-intercept kanila nga ilegal ug dili akto sa depensa kondili akto sa kawala’y paglaum.
Sigon sa grupo, usa ka barko nga apil sa flotilla was ang gilampornas sa dagat samtang gitirahan usab og water cannons ang uban.
Kini nagpakita lamang matud pa sa grabeng paningkamot sa Israel nga masiguro nga ang nahabilin sa Gaza, padayong magutman ug ma-isolate.
Kini matud pa ang hinungdan nga atakihon sa Israel ang malinawong civilian mission tungod kay ang kalampusan sa humanitarian aid nagpasabot man sa kapakyas sa ilang pag-ukupa.
Sigon sa GSF, ubay-ubay nga mga barko ang gi-intercept apil na niini ang Alma, usa sa mga nag-unang barko ingon man ang Surius ug ang Adara.
