BUTUAN CITY – Padayon pa ang gihimong assessment sa mga otoridad human gitay-og sa magnitude 6.0 nga linog ang kadagatan duol sa nag-una ug pinaka-populated nga isla sa Indonesia, ang Java, sigon sa US Geological Survey (USGS).
Mi-igo ang linog pasado alas-11:49 sa gabii (local time), sa gilay-ong 156 kilometros sa sidlakang bahin sa Surabaya, ang ikaduhang pinakadakong siyudad sa maong nasyud nga duna’y giladmong 13.9 kilometro.
Nabati ang pagtay-og sa Sidoarjo, kondiin usa ka Islamic school building ang nahugmak human sa linog nga miresulta sa tulo ka mga tawo ang patay.
Nagpadayon pa ang rescue operations sa lugar aron maluwas ang mga natabunan sa nahugmak nga mga debris.
Sigon sa Indonesia Meteorology, Climatology, and Geophysical Agency wala’t hulga sa tsunami human ang maong linog sa isla.
