BUTUAN CITY – Subling gipakuratan sa amahan ni Tyler James Robinson, ang suspek sa pagpusil-patay kang conservative activist Charlie Kirk, ang tibuok kalibutan human niya gibalibaran ang kinatibuk-ang 1.15-bilyunes dolyares kon bugti sa kapin 85-milyunes pisos nga reward tungod sa pagsurender niya sa iyang anak.
Madumdumang inisyal nga naghanyag ang Federal Bureau of Investigation kon FBI og $100,000, kansa gidugangan na sa pipila ka mga pulitiko ingon man sa bilyunaryong si Bill Ackman hangtud nga mi-abot kini sa maong kantidad.
Gikumpirma sa mga otoridad nga kwalipikado ang amahang si Matt Robinson sa maong payout human nga ang iyang tip, misangpot ngadto sa pagka-aresto sa iyang anak.
Apan imbes nga dawaton, gi-anunsyo sa amahan nga wala siya’y dawaton bisan sentabo gikan sa maong kwarta tungod kay iya kining ihatag ngadto sa pamilya Kirk nga nasad-an sa iyang anak ilabina nga responsibilidad niya nga tabangan ang iyang anak nga atubangon ang iyang nahimong sayop.
Mi-ani og pagdayeg ang amahan diha sa social media kondiin daghan ang nagbutyag nga ang iyang desisyon usa ka akto sa ka-isog ug pagkamapa-ubsanon samtang ang uban nagbutyag nga timaan kini sa iyang kagustuhan nga mahupay ang pamilya ni Kirk human ang trahedya.
