-- ADVERTISEMENT --
BUTUAN CITY – Blangko hangtud karon ang pamilya sa usa ka batan-ong lalaki kung nganong mi-inom kini og vitamins sa baboy nga gitu-uhan nilang maoy hinungdan sa iyang kamatayon tungod kay wala na kini mumata pa, dihang nakatulog.
Sigon sa mga ka-ubanan sa biktimang gitago lang sa pangalang ‘Dodo,’ taga-Sitio Baclay, Barangay Santo Niño, Dapitan City, wala matud pa’y gihambin nga balatian ang biktima dihang mi-inom kini og vitamins nga pangpatambok matud pa sa baboy ug manok.
Nakurat sila dihang wala na kini mumata sa ilang pagpukaw rason nga padayon pa ang gihimong imbestigasyon sa kapulisan aron masuta kung wala pa kini foul play.
