BUTUAN CITY – Abot sa dalunggan ang tisngi ni Philippine National Police kon PNP Chief Director General Nicolas Torre III dihang gitawag siya nga bag-ong boxing champion ni Pangulong Ferdinand ‘Bongbong’ Marcos Jr atol sa iyang State of the Nation Address kaganina.
Kini human gideklara si Torre nga winner by default sa charity boxing match kagahapon human wala mutunga si acting Davao City Mayor Sebastian “Baste” Duterte, sa Rizal Memorial Coliseum.
Madumdumang ang maong kalihokan nga gitawag og “Laban Para sa Nasalanta,” nakatigom og kapin ₱20 milyon nga donasyon ug halin sa tiket alang sa mga biktima sa mga bagyo ug hanging habagat.
Gi-apil ni Marcos si Torre sa listahan sa mga iladong atleta sa Pilipinas sama nila Manny Pacquiao, Hidilyn Diaz, ug EJ Obiena.
