BUTUAN CITY – Kumpirmadong na-angol sa Israeli airstrikes ning mi-aging buwan si Iranian President Masoud Pezeshkian, base na sa report sa ilang state Fars news agency, nga suod ngadto sa revolutionary guard.
Gika-ingong niadtong Hunyo 16, unom ka mga bomba ang gipunting pagtira ngadto sa access ug entry points sa usa ka sekretong underground facility sa Tehran diin mitambong sa usa sa Supreme National Security Council si Pezeshkian. Gika-ingong naka-angkon og leg injuries ang presidente dihang misibat sila agi sa usa ka emergency shaft ug gipa-abot pa sa tanan ang komento sa Israel kalabot niini.
Makita sa mga videos nga gi-post sa social media atol sa 12-ka adlaw nga giyera ang balik-balik nga strikes sa bukirang bahin sa north-western Tehran.
Nasayran nga atol sa pag-atake, naputol ang kuryente sa maong pasilidad apan nakalingkawas gihapon si Pezeshkian alang sa iyang kaluwasan.
Ang Supreme National Security Council mao ang top decision-making body sunod kang Supreme Leader Ayatollah Ali Khamenei.
Kini ang rason nga gi-akusahan ni Pezeshkian ang Israel nmga misulay pagpatay kaniya kansa gipanghimakak ni Israeli Defence Minister Israel Katz, dayong butyag nga dili tumong sa ilang giyera ang pag-usab sa rehimen.
