-- ADVERTISEMENT --
BUTUAN CITY – Nasikop sulod sa usa ka state university campus sa Barangay Ampayon ning siyudad sa Butuan kagahapon sa alas-7:25 sa buntag ang 23-anyos nga trabahador sa gihimong joint buy-bust operation.
Ang suspetsadong gi-ila lang nga si alyas Ivan, residente sa Barangay Basag ning syudad, gi-operisyunan human sa reklamo nga nadawat sa 8888 Citizen’s Complaint Hotline.
Nakumpiska gikan kaniya ang duha ka heat-sealed transparent plastic sachets sa gitu-uhang shabu nga gibana-banang mikantidad og 6,800-pisos.
Sa kasamtangan, gikustodiya na sa Butuan City Police Station 4 ang suspetsado ug ang ebidensya samtang gi-andam na ang pagsaka og kasong paglapas sa Republic Act 9165 o mas nailang Comprehensive Dangerous Drugs Act of 2002.
