BUTUAN CITY – Nagbahad si incoming Senator Panfilo ‘Ping’ Lacson sa mga ka-ubanang senador nga muhimo og lakang alang sa pagpa-dismiss sa impeachment case ni Vice President Sara Duterte tungod kay sayop matud pa kini ug dili angayang buhaton.
Alang kang Lacson, dili angayang magmosyon ang usa ka senador aron ipa-dismiss ang kaso tungod kay sila mao ang huwis ug wala pa mahitabo nga ang usa ka husgado mao mismo ang murekomenda nga i-dismiss ang kaso.
Ang katungdanan matud pa sa Senado isip impeachment court mao ang pagdungog ug magdesisyon base sa gipresentante mga ebidensya sa prosekusyon ug sa depensa.
Ang pag-mosyon matud pa aron ipa-dismiss ang kaso dili kinahanglang maggikan sa mga senator-judges kondili sa mismong defense panel aron dili nahimong kataw-anan ang ilang institusyon.
Nanawagan usab siya sa tanang mga senador nga mulihok sama sa usa ka tinuod nga huwis ug musulti sama sa mga huwis nga anaa sa korte tungod kay dili sila abogado sa bisan asang panig kondili trabaho nila nga maminaw ug magdesisyon base sa gipresenta kanila na ebidensya.
