BUTUAN CITY – Gikumpirma sa Provincial Health Office sa Agusan del Sur ang unang kumpirmadong kaso sa monkeypox kon Mpox.
Base sa ilang gipagawas nga public health advisory nga pirmado nila provincial health officer II Dr. Jacqueline Frances Momville ug Governor Santiago Cane, ang pasyente duna’y history sa pagbiyahe sa Davao City, ug duna’y susama sa pimple kon bugas nga rashes sa iyang n awong ug mikunsulta na sa usa ka health care provider.
Dali na siyang gi-isolate sa usa sa mga ospital sa maong lalawigan alang sa hugot nga monitoring ug symptomatic treatment. Gihimo na usab ang specimen confirmation sa Research Institute for Tropical Medicine kon RITM.
Gi-quarantine na usab ang mga close contacts sa pasyente samtang gihimo usab sa mga local authorites ang monitoring sa ilang panglawas.
Sa pagkutlo niini nga balita, wala’y mga simtomas sa maong sakit nga nabati ang mga close conbtacts niini samtang gi-monitor usab sa ang sitwasyon aron maprotektahan ang panglawas sa publiko.
