BUTUAN CITY – Malipayong gipa-ambit ni Krishnah Gravidez ang iyang kasinatian isip Miss World Asia sa 72nd edition sa Miss World pageant nga gipahigayon sa India.
Bisan og wala siya nag-expect, tibuok kasing-kasing siyang nagpasalamat sa nakuhang kada-ugan. Gibutyag niining kapin sa usa ka buwan siyang milambigit sa nagkada-iyang activities sa India, apil na ang sports challenge kondiin nahimo siyang runner-up sa badminton batuk kang Miss Canada.
Nahimumduman pa sa beauty queen dihang gibiyaan niya ang katunga sa iyang mga bagahe tungod sa aberya, apan gitabangan siya sa Filipino community sa maong nasud pinaagi sa pagbutang sa iyang mga sapot ug gamit. Gipa-ambit usab niya ang dugay na niyang gipangandamang communication skills, Q&A training, ug advocacy project aron mahimong matinud-anon ug tawhanon sa matag-tubag niya sa kompetisyon.
Gawas sa titulo, nahimong suod usab si Gravidez sa kapwa kandidata gikan sa Asia, lakip na si Miss Thailand Opal Suchata nga maoy gikoronahang Miss World 2025.
Gila-umang musalmot si Krishnah sa nagkda-iyang events ug mga community projects ka-uban ang uban pang mga continental queens. Gikatakda siyang mubalik sa Pilipinas sa musunod nga mga adlaw.
