BUTUAN CITY – Na-ila na ang mga uwak nga grabe ka-utukan nga mga langgam nga kung makita lang nato ang ilang mga lihok, maka-ingon kita nga hayan sa ila nata makakat-ong unsaon pag-recycle ang ubang mga butang apil na ang pagpangawat.
Didto sa Japan, gahimo na og crow patrol ang Kyushu Electric power company ilabina atol sa ilang mating season aron pamungkagon ang ilang mga salag nga gama sa mga kinawat nilang hanger ug diha gipangtukod sa mga towers sa ilang power grid.
Sa atong nasayran, ang mga langgam apil na ang mga uwak, maghimo og salag gamit ang ipang-interlock nila nga mga sanga diha sa atong palibot. Apan didto sa Tokyo, Japan, dako na lang ang kakurat sa pipila ka mga tawo human nila nadiskubrehan nga dili lang usa ka balay kondili ubay-ubay gayod ang gipangkawatan og hanger.
Dihang gipanid-an na sa mga otoridad tungod sa kadaghan na sa nanumbong, dinhi nila nadiskubrehan nga ang mga uwak diay ang responsable niini.
Sa sige og subay-ubay, nasuta nga ila kining gihimong salag rason nga karon, pangbungkagon na sa mga linemen ang makita nilang mga salag diha sa ilang mga tower tungod kay mao usab diay kini ang hinungdan sa matigayong lapad nga blackouts.
