BUTUAN CITY – Kumpyansa si Senate President Chiz Escudero nga dili maka-apekto sa proseso sa impeachment trial batuk kang Vice President Sara Duterte ang komposisyon sa Senado pagsulod sa 20th Congress.
Kini bisan og makasulod na ang mga gi-endorso ni VP Sara.
Sigon sa Senate President, makita sa kasaysayan sa Senado sa Pilipinas ug sa uban pang political positions nga posible pa gihapong mubiya ang usa ka gi-endorsong kandidato ngadto sa tawong mihatag kaniya og suporta.
Dili usab gusto sa senador nga unhan ang mahimong resulta sa impeachment trial dayong panawagan sa tanan nga pasagdan una nga mudagan ang proseso ug magdesisyon ang impeachment court.
Nanawagan usab siya sa mga daan ug bag-ong maka-uban niya sa Senado nga dili magkomento o kaha muhatag og posisyon kalabot sa gikatakdang pagtaral sa besi presidente.
