Napalgang patay’ng lawas sa kalapakan sa CDO, usa na diay ka dalaga, suspetsado usa ka kargador

BUTUAN CITY – Padayon pang gipangita sa kapulisan sa Cagayan de Oro City Police Office (COCPO) ang usa ka kargador sa shipping lines nga gitudlong suspek paglugos-patay sa 18-anyos nga dalaga sa Mambato, Agora, Brgy Lapasan sa maong syudad kagahapon sa buntag.

Na-ila ang biktima nga si Diana Jane Erbit, taga- Sultan Naga Dimaporo, Lanao del Norte nga gitu-uhang gilugos pa adiser gipatay ug gilubong sa lapok nga bahin sa lugar.

Gi-ila ni Agora Police Station 3 commander PCaptain Amier Naifh Patron Maruhom ang suspek nga si Sanny Boy Ratunil, 62-anyos kinsa na-ila usab sa alyas nga Boy Tangkong, residente sa maong lugar.

Nasayran ug ang nadangatan sa biktima tungod kay nadungog pa sa mga residente sa kaadlawon pa lang nga nagpaninggit na kini.