BUTUAN CITY – Gilusad na kaganina sa Commission on Elections kon COMELEC-Caraga ang mall voting caravan kansa pinaka-una sa rehiyon nga gihimo sa may SM Butuan alang sa mga botante nga narehistrong mubotar sa Brgy. Tandang Sora ning siyudad.
Sigon ni assistant regional director Atty. Geraldine Samson, tulo ka mga clustered precincts ang ilang gimontar rason nga dili na sila mangbotar pa sa polling precinct sa may Butuan Central Elementary School.
Tumong niini nga mahatagan og mas komportable ug bugnaw nga lugar nga kabutaran ang mga botante kumpara sa na-andan nga mga polling precincts diha sa mga elementaryang tunghaan.
Gawas sa komportableng pagbotar, wala usa’y matigayong vote buying, wala’y kagubot ug dili hugaw gawas nga wala usa’y singlon kanila ang mga mall owners ug operators.
