BUTUAN CITY – Inay nga maglipay sa pagsa-ulog sa adlaw’ng natawhan, nahimo na hinuong trahedya ang birthday celebration sa mag-classmates sa Grade XI kagahapon sa alas-12:00 sa udto, adlaw’ng Lunes, Abril 21, human nalumos sa ilang pagkaligo sa beach resort sa Sitio Bantayan, Brgy. Tuyom sakop sa Carcar City sa Cebu province.
Gika-ingong nagkasabot ang mga biktima kinsa parehong estudyante sa Gelacio High School sa Brgy. Vallaloid sa susamang siyudad, nga magpalawom sa ilang pagkaligo kondiin ulahi na nilang nasayran nga kantilado diay ang dapit nga ilang nakaliguan hinungdan nga dihang gilamba sa mga dagkong balud, naglisod na sila pagpabaybay.
Nakita sila sa pipila ka mga mananagat rason nga daling gitabang kondiin pareho sila nga gipangdala sa ospital apan wala na maka-abot pang buhi ang 16-anyos nga si alyas Boyboy.
