BUTUAN CITY – Nag-trending karon ang post sa estudyanteng si Hana Baring human mipagawas sa iyang kasakit dihang wala maka-uban ang iyang amahan sa iyang graduation rites kaganina.
Sa post sa maong estudyante, naghilak matud pa siyang gisultihan ang iyang amahan nga hangyuon niya ang taga-Bureau of Jail, Management and Penology kon BJMP nga pagawason una kini kadiyot aron may mutaud sa iyang graduation cap apan mibalibad ang amahan aron dili matud pa siya ma-judge sa mga tawo tungod kay kini napriso.
Misulti pa si Hana nga wala’y rason nga ika-ulaw niya kini tungod kay nasayod siya unsa kabu-utan ang iyang amahan hangtud nga mihangyo na lang kini kaniya nga magkugi og maayo sa iyang pagtungha tungod kay dakong kalipay na matud pa niya nga makita silang mulampos sa pagtungha.
Misaad usab ang anak nga maningkamot aron mapagawas ang iyang amahan gikan sa bilangguan.
