BUTUAN CITY – Maayo ang dagan sa pagbotar sa mga overseas Filipinos sukad kini gisugdan sa Commission on Elections kon COMELEC kagahapong adlawa, Dominggo, ABril 134, kondiin libuan na ang nakabotar sa 77 ka mga posts sa abroad nga mugamit og internet voting ug sa 16 ka mga posts alang sa in-person voting.
Sa eksklusibong pakighinabi sa Bombo Radyo Philippines, gipadayag ni COMELEC chairman George Erwin Garcia nga 24-oras nga abli ang internet voting apan kadtong mubotar gamit ang makina nga gipahimutang sa mga embahada ug konsulada, makabotar sa office hours gikan sa alas-7:00 sa buntag ngadto na sa alas-5:00 sa hapon, oras sa nasud diin sila nahimutang.
As of alas-sais kaganinang buntag, ang ihap sa mga overseas Filipinos nga nagpa-enrol alang sa internet voting, mi-abot sa 55-mil gamit ang QR code kondiin ubay-ubay na ang nakabotar.
Gipasabot usab ni chairman Garcia nga makita sa mga nangbotar gamit ang internet ang tanan nilang gibotaran kung ilang i-click ang ballot review, apan kung nakabotar na, dili na nila makita ang ilang gipangbotaran apan wala matud pa’y angayang kabalak-an tungod kay counted na kini sa makita.
