BUTUAN CITY – Girekomenda ni Commission on Elections kon COMELEC Chairman George Erwin Garcia nga ipailalom sa COMELEC Control ang lungsod sa Datu Odin Sinsuat, Maguindanao Del Norte human ang pagpamanhig kang Bai Maceda Lidasan Abo, election officer sa maong lungsod kagahapong adlawa, Marso 26, 2025.
Sigon sa taho, kauban sa opisyal ang iyang bana nga nailang si Jojo Abo sa dihang nahitabo ang insidente.
Padayon pang gi-imbestigahan sa mga awtoridad ang motibo sa likod sa pag-atake ug ang mga posibleng responsable niini.
Nadala pa sa pinakaduol nga hospital ang mga biktima apan nakabsan na kini sa ilang kinabuhi gumikan sa grabeng samad pinusilan nga nahiaguman.
Sa ilalom sa COMELEC Control, makabaton og mas hugot nga seguridad sa lugar, diin dunay direktang pag-atiman ang ahensya sa sitwasyon aron maseguro ang kaluwasan sa mga opisyal, kandidato, ug katawhan ilabina sa nagkadool nga piniliay.
Apan gibutyag ni Garcia nga makigpulong una siya sa kapulisan og kasundaluhan alang sa maong rekomendasyon.
Gipasalig nalang ni Garcia nga makab-ot ang hustisya sa mga biktima dunay butyag nga dapat dunay mahitabong hinanaling pag-aresto sa mga responsable.
Samtang lakip sa ilahang gi-imbestigahan karun kung nganung wala nahatagan og security detail ang election officer tungod kay nag-request na kini adiser pa nahitabo ang pagpamusil.
