BUTUAN CITY – Mihimo og ocular inspection ang mayor sa lungsod sa La Paz, Agusan Del Sur kagahapong adlawa ngadto sa Lope Cortes Elementary School nga nahimutang sa Purok-4, Barangay Valentina sakop sa maong lungsog human ang pagkasunog sa duha niini ka lawak tunghaan.
Kauban ni Mayor Michael D. Lim sa pagbisita si Municipal Engineer Engr. Brisbane D. Sayon, mga Department heads, og mga barangay officials sa pagpanguna ni Barangay Kapitan Derio Moreno.
Tumong niini nga masusi ang mga damyos aron sa ingon mahatagan kini og tabang sa mas daling panahon sama na lamang sa pagtukod og mga bag-ong klasrum. Una nang miabot sa 2-milyones pesos ang gibana-banang damyos sa maong sunog nga natigayon niadtong Biernes sa alas 10:50 sa buntag.
Naugdaw sa maong sunog ang classroom sa Grade 5 og Grade 6 lakip ang kagamitan nga printer, projector, mga electric fans, mga libro ug ubang school records.
Human sa usa ka oras nga pagpalong sa kalayu, hingpit kining nakontrola pasado alas 12:10 na sa buntag. Padayon pang giimbestigahan sa otoridad ang tinubdan sa maong sunog diin Walay gideklarang angol o casualty sa insidente.
