BUTUAN CITY – Patay ang usa ka bag-ong gihimugsong bata didto sa Paris, France human siya gilabay sa iyang 18-anyos nga inahang usa ka American national sa gawas sa bintana sa usa ka hotel nga duna pa’y nakatapot nga pusod.
Sigon sa mga French prosecutors ug sa kapulisan, gilabay sa estudyanteng inahan ang bata samtang anaa sa ikaduhang andana sa gisak-an niining 20-ka andanang hotel sa eastern Paris.
Nahatagan pa kini og emergency care sa gilabay gawas sa bintana sa usa ka hotel apan wala na mabuhi pa.
Na-alerto ang kapulisan human napalgan ang bata atubangan sa hotel nga giputos pa sa panapton ug naglimbod pa ang iyang pusod.
Gi-imbestigahan na sa mga French officials ang panghitabo ug gikostudiya na ang inahan kinsa kabahin sa usa ka grupo sa mga batan-ong nagbiyahe sa Urupa alang sa ilang study trip sa Paris uban sa lain pang mga estudyante gikan sa Estados Unidos.
