BUTUAN CITY – Gipakita sa Bureau of Internal Revenue kon BIR Revenue Region No. 17 ngadto sa publiko ang ilang pagsunog kaganina sa nakumpiskang mga sigarilyo kansa ilegal nga gipalusot ug nakumpiska gikan sa mga dili lehitimong negosyante.
Kini kabahin sa nationwide destruction sa mga illicit cigarettes nga nakumpiska sa gihimong mga operasyon sa nagkada-iyang lugar sa entiro nasud.
Mi-abot sa 97-porsiento sa 337,644 ka mga pakete sa mga ilegal nga sigarilyo ang gipangsunog sa mga broilers sa Richmond Plywood Corporation nga nahimutang sa Purok 1, Brgy. Mahogany ning siyudad sa Butuan aron masiguro nga dili na kini magamit pa.
Samtang ang nahabiling 3-porsiento, gitapigan aron himuong ebidensya sa gipasakang tukmang kaso ngadto sa korte batuk sa mga smugglers niini.
